RSS

Look our heros Ahmedin Jebel አልሀምዱሊላህ በሰላም ተፈተናል

23 Apr

Look our heros Ahmedin Jebel
አሰላሙ አለይኩም ወራህመቱላሂ ወበረካቱሁ
አልሀምዱሊላህ በሰላም ተፈተናል፡፡ ዛሬ ጠዋት 3፡30 ላይ ከሰፈር ከአቡበከር ጋር ሆነን ወ ኮሚቴው ስብሰባ ስንሄድ ከወይራ ወደ ዘነበወርቅ ሰፈር ልንደርስ ስንቃረብ መንገድ ላይ ፒክአፕ መኪና መንገድ ዘጋችብን፡፡ ዘለው 4 ሰዎች ወረዱ፡፡የመኪናውን በር ለክፈት ተጣጣሩ፡፡ የሲቪል ልብስ ስለለበሱ ማናችሁ? መታወቂያችሁን አሳዩን ብንል ቆጣ ብለው አሳዩ፡፡ ሁለቱ የፖሊስ መታወቂያ ይዘዋል፡፡ ከፍተን ወረድን፡፡ የአቡበከርን መኪናውን ኮልፌ ቀራንዮ ፖሊስ ጽ/ቤት በራፍ ላይ ቆመች፡፡ ፖሊሶቹ እኛን ይዘው ወደ አዲስ አበባ ፖሊስ 4 ሰዓት ላይ ደረሰን፡፡ ተፈተሸን ሞባይል፣ ላፕቶፕ፣ ብር፣ዶኩሜንት፣ ቁልፍ፣ ፍላሽ ዲስክ፣ ቀበቶ፣ ማንኛውንምወረቀት ወስደውብን መዝግበውን ወደ እስርቤት አስገቡን፡፡ ለየብቻ ባዶ ክፍል (5 ሜትር በ5 ሜትር፣ ቁመቱ 4 ሜትር ይሆናል፡፡) ዉስጥ አስገቡን፡፡ ክፍሉ ባዶና ቀዝቃዛ ነው፡፡ በሩ ተዘጋብን፡፡ እንደገቡሁ አዱሃ ሰገድኩና አንድ ስለ ለውጥ የምታወጋ መጽሐፍ አግኝቼ ማንበብ ጀመርኩ፡፡ 40 ገጽ እንደደረስኩ አንድ ደህንነት(ሀላፊ ይመስላል) በ4 ፖሊስ ታጅቦ በሯን ከፍቶ ገባ፡፡ ማነህ? የት ተወለድክ? እድሜ? ወዘተ ጠየቀ፡፡ መጽሐፍ እያነበብኩ ነበርና ደግሞ ታነባለህ? መጽሐፉን ከየት አመጣህ? ሲልጠየቀ፡፡ ከዚሁ አገኘሁ ብዬ ቀጠልኩ፡፡ ጥለው ወጡ፡፡ 7 ሰዓት ላይ ፖሊስ መጥቶ ቢሮ ይፈልጉሃል፡፡ ብሎ ፖሊስ ይዞኝ ሄደ፡፡ ፖሊሱ አስገብቶኝ ወጣ፡፡ ገብቼ ጠበቅሁ፡፡ ያ የቅድሙ ደህንነት እና ሌላ አጠር ያለ ደህንነት አብረው መጡ፡፡ ዳግም ትውልድህ የት ነው? ብለው ጠየቁ፡፡ ‹‹ጅማ ከተማ›› ስል መለስኩ፡፡የጅማውን ግጭት የት ሆነህ ነው ያስበጠበጥቀው? ሲሉ ጠየቁ፡፡ በንግግራቸው ሳቅሁ፡፡ ቆጣ ብለው ‹‹የብጥብጡ ጊዜ የት ነበርክ?›› ብለው ጠየቁኝ፡፡ ‹‹እዚሁ አዲስ አበባ››፡፡ የት ተማርክ? የት የት ሀገር ሄደሃል? ወዘተ ጠየቁ አከታትለው፡፡ ከዚያም ‹‹ስማ ከጸረ ሰላም ሃይሎች ጋር የምታደርገውን ሁሉንም እንቅስቃሴ መንግሥት ደርሶበታል፡፡ ዝም ሲልህ መንግስት የፈራህ እንዳይመስልህ፡፡ ከዘሬ ነገ ትታረም ይሆናል ብለን ታግሰን ጠብቀን ነበር፡፡›› ሲሉ ተናገሩ፡፡ በዚህ ጊዜ ሳቅሁ፡፡ ተቆጡ፡፡ ‹‹እኛ ለስብሰባ አልያም እንድትናገር አይደለም፡፡ የመጨረሻ መስጠንቀቂያ ልንሰጥህ ነው፡፡ በየመስጊዱ በሰደቃ ሽፋን ሕዝቡን የምታነሳሳውን ተቆማለህ፡፡ ሕዝቡ ወክሎኛል ብለህ የምታደርገውን እንቅስቃሴ ካላቆምክ ዋጋህን ታገኛለህ፡፡›› አሉ፡፡ ይህን ሁሉ ሲናገሩ እግሬን አነባብሬ ነበርና ተቆጡ፡፡ ‹‹እግርህን አውርድ›› አሉ፡፡ በዚህ ጊዜ ጣልቃ ገባሁና ‹‹መረጃ ካላችሁፍርድ ቤት ዉሰዱና ክስ መስርቱ፡፡ ምን ታስፈራራላችሁ? እንኳን ማስፈራት ለእምነታችን ሕይወት ለመስጠት ዝግጁ ነኝ፡፡ ማስራጃ ካላችሁ ያሻችሁን አድርጉ፡፡›› አልኩ፡፡ ለምን አልፈራም ብለው ነው መሰል ቆመው ቆጣ ብለው ‹‹ላንተ ፍርድ ቤት በመውሰድ ጊዜ አናባክንም፡፡ ዋጋህን እንሰጥሃለን፡፡ አንዲት ችግር ቢፈጠር የመጀመሪው ጥይት አንተ ላይ ነው የሚያርፈው፡፡ ትሰማ እንደሆን ስማ፡፡ መስጊድ እያደራጀህ ታስበጠብጣለህ፡፡›› ሲሉ ተናገሩ፡፡ ካዋጣችሁ ቀጥሉ-ስል ተናገርኩኝ፡፡ ‹‹መንግሥት አንተን ፈርቶ መሰለህ? አንተ ስለመጅሊስ ምርጫ ምን አገባህ? እንቅስቃሴህን አቁመህ እንደ ዜጋ አርፈህየማትኖር ከሆነ የምናሳይህን እናሳያሃለን፡፡ ኮሚቴ ምናምን ትላለህ? ህገ ወጥ ናችሁ፡፡ ማን መረጣችሁ? ሕዝቡ መንግሥትን እንጂ እናንተን መች መረጠ? ታርፍ እንደሆን ይህ የመጨረሻ ማስጠንቀቂያ ነው!›› ብለው ጨርሰናል፡፡ ዳግም ‹‹ካዋጣችሁ ቀጥሉ›› አልኩ፡፡ ፖሊሶቹን ‹‹ጠሩና እቃውን ስጡትና ይሂድ›› ብለው ወጡ፡፡ እቃዬን ተቀብዬ 7፡30 ላይ ከዚያ ወጣሁ፡፡ ስወጣ አቡበከር ቀድሞኝ ወጥቶ ነበርና ከዚያ ሄድን፡፡ እርሱም እንደኔ ተመሳሳይ ሁኔታዉስጥ እንደነበረ ነገረኝ፡፡ የሁለታችንም ሂደት ተመሳሳይ ነበር፡፡ የዋህ ሰዎች! ሕጋዊውንና ሕገ መንግሥዊውን የሕዝበ ሙስሊሙን የመብት ማስከበር ሂደት በተራ ማስፈራት ሊያቆሙ ይሻሉን ? አልሀምዱሊላህ በሰላም ወጣን!

Advertisements
 
Leave a comment

Posted by on April 23, 2013 in Uncategorized

 

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out /  Change )

Google+ photo

You are commenting using your Google+ account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )

w

Connecting to %s

 
%d bloggers like this: