RSS

እኛ ኢትዮጵያዊያን ሙስሊሞች ያነሳናቸው እና እስከ ዛሬ ድረስም የተሟላ ምላሽ ተሰጥቷቸዋል ብለን ያላመንባቸው ጥያቄዎች ከጥያቄነት አልፈው የጠንካራ አንድነታችን መገለጫዎች ከሆኑ ውለው አድረዋል

20 Apr

Important!

እኛ ኢትዮጵያዊያን ሙስሊሞች ያነሳናቸው እና እስከ ዛሬ ድረስም የተሟላ ምላሽ ተሰጥቷቸዋል ብለን ያላመንባቸው ጥያቄዎች ከጥያቄነት አልፈው የጠንካራ አንድነታችን መገለጫዎች ከሆኑ ውለው አድረዋል፡፡ ህዝበ ሙስሊሙን ለመከፋፈል የተደረጉት እና በመደረግ ላይ ያሉ ጥረቶች በሙሉ ይበልጥ በማግኔት ዙሪያ እንደተሰባሰቡ የብረት አካላት ይበልጥ አስተሳስረውናል፡፡ ተስፋ ያልቆረጡት አካላት አሁንም ቢሆን ከመንቀሳቀስ ወደኋላ ባይሉም ከህዝብ እያገኙት ያለው የተቃውሞ ምላሽ አድናቆት የሚቸረው ሆኖ አግኝተነዋል፡፡ ለዚህም ፈጣሪያችንን እጅግ አድርገን እናመሰግነዋለን ፤መጨረሻውንም እንዲያሳምርልን እጅግ አድርገን እንለምነዋለን፡፡
ዛሬ በተሰማው ወሬ ራሳቸውን “አህለ-ሱና” በማለት የሚጠሩ ስብስቦች ከመንግስት አካላት በተለይም ከፖሊስ በሚደረግላቸው እርዳታ በመታገዝ በአዲስ አበባ በየመንደሩ በመዞር ፊርማ ለማሰባሰብ ሙከራ እያደረጉ ይገኛሉ፡፡ በዚህ ሙከራቸው ፈራሚዎችን በማታለል የ ስብስቡ አባል እንዲሆኑ ማድረግና በቀጣይ በሚደረገው ምርጫ የራሳቸውን ጥቅም (አድቫንቴጅ) ለማመቻቸት በማሰብ እንደሆነ ታውቋል፡፡ በዚህ ስራቸውም ተቃውሞ እንደሚገጥማቸው በማሰብ በሚዞሩበት ቦታ ሁሉ የፖሊስ አጀብ ያላቸው ሲሆን በሠላም ተጠይቆ እሺ ያላቸውን ሰው ለማስፈረም፣ ያለበለዚያ ደግሞ የፖሊስ አካል በቦታው በመኖሩ በማስፈራራት ለማስፈረም እንደሆነ ምንጮች ጠቅሰዋል፡፡ ይሁንና ይህን የመሰለ ሙከራ ማድረጋቸው የመጀመሪያ አለመሆኑ የሚታወቅ ሲሆን በአሁኑ ሰዓት እንቅስቃሴ እያደረጉ እና እናቶችንና አባቶችን ለማስፈረም ሙከራ ቢያደርጉም በሁኔታው ከፍተኛ ንቃት ያዳበሩት እናቶችና አባቶችም ፊርማ ለምን ያስፈልጋል?፣ እኛ እናንተን አናውቃችሁም ህዝቡ ያነሳው ጉዳይ እኛንም እንደሚመለከት ረሳችሁ እንዴ?፣ እንደዚህ እየመጣችሁ የምታደርጉትን ልንሰማችሁ ይቅርና እንዲያውም እንቃወማችኋለን በማለት አሳፍረው እየመለሷቸቸው ሲሆን ይበልጥ አስገራሚ የሆነው ግን “ እናንተ ጉዳያችሁን በግላችሁ ማስፈፀም ሳትችሉ ስትቀሩ በመንግስት በመታገዝ ፖሊስ ይዛችሁ ብትዞሩም ለኛ ደግሞ አላህ አለን፣ ከአላህ የሚበልጥ ደግሞ ምንም ማንም የለም የያዛችሁት ነገር ባጢል ስለመሆኑ ይኸው ብቻ ለምስክርነት በቂ ነው” ማለታቸው ይገኝበታል፡፡
እውነትም ለእኛ አላህ አለን ለእነሱ ደግሞ…..

ማሳሰቢያ

በአዲስ አበባ በሁሉም አቅጣጫ እየተደረገ ያለው የአሕባሾች ሩጫ ይህን የመሰለ ተቃውሞ የገጠመው ሕዝባችን የደረሰበትን የንቃት ደረጃና የአንድነት ጥንካሬ ያመላክታል፡፡ ይህ መረጃ የደረሰን ሰዎች ሁሉ የማስተላለፍ የተለመደ ኃላፊነታችንን እንድንወጣ እያስታወስን በተለይም ደግሞ በክልል ከተሞችና የገጠር ቀበሌዎች መረጃው እንደተለመደው እንዲደርስ ሆኖ ህዝባችን የተለመደ ተቃውሞውን እና ያለመታዘዙን ገቢር እንዲያደረግ መልዕክታችንን ማድረስ እንዳንረሳ፡፡ ኢንሻ አላህ፡፡

 
Leave a comment

Posted by on April 20, 2013 in Uncategorized

 

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s

 
%d bloggers like this: