RSS

በዛሬዉ ዕለት እሁድ በሰለፈሷሊሂን መስጂድ በአይነቱ ልዩ የሆነ የአንድነትና የሰደቃ ፕሮግራም ተካሄደ

13 Apr

በዛሬዉ ዕለት እሁድ በሰለፈሷሊሂን መስጂድ በአይነቱ ልዩ የሆነ የአንድነትና የሰደቃ ፕሮግራም ተካሄደ:: በዚህ ፕሮግራም ላይ ታላላቅ አሊሞች ታዎቂ ዳኢዎች የመስጂድ ኢማሞች እና ሙአዚኖች, ታላላቅ የሀገር ሽማግሌዎች, ሙስሊም ባለሀብቶች ተገኝተዎል:: ከነዚህም መካከል ታላቁ አሊም ሼህ መሀመድ ሀሚዲን አ/ሰመድ, የቀድሞ የኡለማዎች ም/ቤት ፕሬዝዳንት እና የአሁኑ የቢላል መስጂድ ኢማም ሼህ አህመድ, ሼህ ዙበይር, ሼህ ሀሚድ ሙሳ, የታሪክ ምሁሩ ኡስታዝ አህመዲን ጀበል,የህዝበ ሙስሊሙ መፍትሄ አፈላላጊ ኮሚቴ ሰብሳቢ ኡስታዝ አቡበከር አህመድ,ኡስታዝ አህመድ ሙስጠፉ ከተገኙት ታዎቂ ሰዎች ዉስጥ ተጠቃሽ ናቸዉ:: በፕሮግራሙ ላይ 10,000 የሚጠጋ ሙስሊም ማህበረሰብ ተሳትፎ እንደነበር ምንጮች ገልፀዎል:: ይህ ታላቅ ፕሮግራም በቁርአን ከተከፈተ ቡሀላ የመስጂዱ ዎና ኢማም “ሰደቃ በኢስላም” ያለዉን ቦታና ደረጃ በማስመልከት ትምህርት የሰጡ ሲሆን በመቀጠልም ሼህ ዙበይር “ኢስላም የእኩልነትና የፍትህ ሀይማኖት” በሚል ዳዕዎ አቅርበዎል:: የመስጂዱ ታዳጊ ህፃናትም ጠቃሚ ምክር ያዘለ ነሺዳና የአንድነቱን ነሺዳ በመጨመር አቅርበዎል:: በመቀጠልም ታላቁ አሊም ሼህ መሀመድ ሀሚዲን አ/ሰመድ “ኢስላማዊ አንድነት” በሚል አርዕስት ጣፉጭ ዳዕዎ አቅርበዎል:: ገጣሚ ሙኒርም ስለ ሀበሻዉ ፍትሀዊ ንጉስ ነጃሺ ግጥም በማቅረብ የታዳሚዉን ቀልብ መግዛት ችሎ ነበር:: የታሪክ ምሁሩ ኡስታዝ አህመዲን ጀበል በበኩሉ “አንድነት ማጣት ያለዉን አደጋ” ከኢትዮጲያ ቀደምት የሙስሊም ነገስታቶች ታሪክ ናሙናዎችን በማቅረብ ልብ የሚገዛ ፕሮግራም ማቅረብ ችሎ ነበር:: በፕሮግራሙ ላይ ከተሳተፍት አሊሞችና ታላላቅ ሰዎች ተመርጠዉ ዱዐ ያደረጉ ሲሆን በመስጂዱ የተገኘዉ ህዝብ በሙሉ በመተቃቀፍ አንድነቱን ማንም እንደማይንደዉ አሳይቷል:: የዙሁር ሰላት በመድረሱ የዕለቱ ፕሮግራም መጠናቀቁን መድረክ መሪዉ ኡስታዝ ኑሪ ቱርኪ አስታዉቆ የዙሁር ሰላት በመስጂዱ ኢማም አማካኝነት ተሰግዷል:: ሰላቱ ከተጠናቀቀ ቡሀላ የምሳ ግብዣዉ የተጀመረ ሲሆን የሰለፈ ሷሊህ መስጂድ በተለየ መልኩ በአካባቢዉ የሚገኙ ክርስቲያን የሀገር ወንድሞቻችንን አንድ በሬ በማረድ ትልቅ ድንኯን ለነሱ በማዘጋጀት የምሳ ግብዣ አድርጎላቸዎል:: የአካባቢዉ ክርስቲያኖቹም በበኩላቸዉ የሙስሊሙ ጥያቄ ምን እንደሆነ በደንብ ተረድተናል:: ከሙስሊሙ ጎን እስከመጨረሻዉ እንቆማን ማለታቸዉ ተገልፆል:: የምሳዉ ፕሮግራም እየተካሄደ ሼህ ሀሚድ ሙሳ አጠር ያለ መልዕክት ያስተላለፍ ሲሆን በመቀጠልም የህዝበ ሙስሊሙ መፍትሄ አፈላላጊ ኮሚቴ ሰብሳቢ ኡስታዝ አቡበከር አህመድ በፕሮግራሙ የተሰማዉን ደስታ የደስታ ሳቃ እየተናነቀዉ ገልፆል:: በዚህም በመስጂዱ የተገኘዉ ሙስሊም ማህበረሰብና ክርስቲያን ወገኖች በልዩ መስተንግዶ የምሳ ግብዣዉን ከተቖደሱ ቡሀላ ፕሮግራሙ በሰላም መጠናቀቁን በቦታዉ የተገኙት ምንጮቻችን ዘግበዉልናል:: አላህ ይቀበላቸዉ!!!!

Advertisements
 
Leave a comment

Posted by on April 13, 2013 in Uncategorized

 

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s

 
%d bloggers like this: