RSS

በአሳሳ ከተማ የተፈጸመውን ግድያ (ኢናሊላሂ ወኢናሊላሂ ራጀኡን) አስመልክቶ ከበድር ኢትዮጵያ የተሰጠ መግለጫ

06 Apr

በአሳሳ ከተማ የተፈጸመውን ግድያ (ኢናሊላሂ ወኢናሊላሂ ራጀኡን)
አስመልክቶ ከበድር ኢትዮጵያ የተሰጠ መግለጫ
ኢትዮጵያውያን ሙስሊሞች ለአለፉት ወራት መንግስት በሃይማኖታችን ጣልቃ አይግባ፤ አሕባሽን ደግፎ በመቆም ተቀበሉት ብሎ አያስገድደን፤ የእምነት ቦታዎቻችን ይከበሩልን፤ የመጅሊሱ ሰዎች በእምነት ቦታዎቻችን ላይ ጣልቃ እየገቡ ሹም ሽር ለማድርግ አይሞክሩ፤ የመርጥናቸውና የወከልናቸው አይደሉምና። ሕገ መንግስታዊ መብታችን ይከበርልን፦ በማለት ድምጻቸውን ሲያሰሙ ቆይተዋል፤ አሁንም በነቂስ እየወጡፍጹም ሰላማዊ በሆነ ስነምግባር መንግስታቸውን በመጠየቅ ላይ ናቸው።
በድር ኢትዮጵያም ይህ የሕዝበ ሙስሊሙ ጥያቄ ሕጋዊና አደብ የያዘ፤ ሕገመንግስታዊና መሰረታዊ የመብትና የእምነት ነጻነት ጥያቄ በመሆኑ፤ መንግስትአዎንታዊ ምላሽ እንዲሰጥ ስናሳስብ ቆይተናል።
ለዚህ መሰረታዊና ሕገመንግስታዊ ጥያቄ አስቸኳይ መልስ አለመስጠት ወደ አላስፈላጊግጭት ያመራል በማለት ስጋታችን ለመግልጽ ሞክረናል።
አሁን በኣሩሲ ዞን በአሳሳ ከተማ የተፈጸመው ጣልቃ ገብነትና ግድያ መንግስትየሕዝቡን ጥያቄ ከማድበስበሱና ቀና መልስ ለመስጠት ካለመከጀልና ከአሕባሽ ጋር ለመቆም ከወሰደው አቓም የመነጨ ነው።
ይህ አይነት ጣልቃ ገብነትና በሰላማዊ ሰወች ላይ የተደረገውን ግዳያ በድር ኢትዮጵያ በጽኑ የሚያወግዘው ድርጊት ሲሆን፤ ዲሞክራሲያዊና ሕገመንግስታዊ መብታቸውን ለማስከበር በሰላማዊና በህጋዊ መንገድ ድምጻቸውን ላሰሙ ዜጎች ተኮሶ መግደል ጸረ ዲሞክራሲና ሕገወጥ ድርጊት በመሆኑ እንዳይደገም ጥንቃቄ እንዲደረግና፤ የአሳሳ ጉዳይም ተጣርቶ ሕገወጥ ግድያ የፈጸሙት ለፍርድ እንዲቀርቡእናሳሰባለን።
ለዲናቸው ሸሂድ የሆኑት የአሳሳ ከተማ ሙስሊም ወገኖችም (ኢናሊላሂ ወኢናሊላሂ ራጀኡን) አላህ ሱብሃነ ወታአላ የጀና ቤታቸውን እንዲያሳምርላቸው ዱኣ እያደርግን፤
ኢትዮጵያውያን ሙስሊሞች አሁንም ሰፊ ልቦናቸውን ጠብቀው፤ በትግስትና በርጋታ፤ ሰላማዊና ሕጋዊ በሆነ መንገድ ትግላችንን በጽናት እንድንቀጥል ጥሪያችን እናቀርባለን።
አላሁ አክብር! አላሁ አክብር! አላሁ አክብር!
በድር ኢትዮጵያ
ዋሽንግተን ዲሲ

 
Leave a comment

Posted by on April 6, 2013 in Uncategorized

 

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s

 
%d bloggers like this: