RSS

በሱዳን የሚገኙ ኢትዮጲያውያን ተማሪዎች በአሁኑ ወቅት በኢትዮጲያ እስልምና ጉዳይ ጠቅላይ ምክር ቤት በስራ ላይ የሚገኙት አመራሮች እንደማይወክሏቸው ገለፁ

06 Apr

በሱዳን የሚገኙ ኢትዮጲያውያን ተማሪዎች በአሁኑ ወቅት በኢትዮጲያ እስልምና ጉዳይ ጠቅላይ ምክር ቤት በስራ ላይ የሚገኙት አመራሮች እንደማይወክሏቸው ገለፁ፡፡
በሱዳን የሚገኙ ኢትዮጲያውያን ተማሪዎች ኮሚኒቲ አባላት ከትላንት በስቲያ ነው ካርቱም በሚገኘው አፍሪካ ዩኒቨርሲቲ በወቅታዊ የህዝበ ሙስሊሙ አጀንዳዎች ላይየተወያዩት ፡፡
የአፍሪካ ዩኒቨርሲቲ እና በሌሎችም የካርቱም ዩኒቨርሲቲዎች የሚገኙ ኢትዮጲያውያን ሙስሊም ተማሪዎች እንዲህ አይነት ውይይት ሲያካሂዱ የትላንት በስቲያው ለሁለተኛ ጊዜ ነው ፡፡
በኢትዮጲያ የሱዳን አምባሳደር በተገኙበት የተካሄደው የዚሁ ውይይት አላማ ከ1 ወር በፊት የገንዘብና ኢኮኖሚ ልማት ሚኒስቴር አቶ/ሱፊያን አህመድ በተገኙበት በተካሄደው ስብሰባ ላይ የተደረሰውን አቋም ለመገምገም እንደሆነ ከስፍራው የደረሰን ዘገባ አስረድቷል፡፡
በዚሁ ወቅት የካርቱም ዩኒቨርስቲዎች ሙስሊም ኢትዮጲያውያን ተማሪዎች መንግስት በኃይማኖት ጉዳይ ላይ በግልፅ ያሳየው ጣልቃ ገብነት እንዲያስቆም አምባሳደሩ በአፅንዎት ሰጥተዋል፡፡
በኢትዮጲያ የሱዳን አምባሳደር ተማሪዎች ላቀረቡት ጥያቄ በሰጡት ማብራሪያ መንግስት በኃይማኖት ጉዳይ ጣልቃ ያለመግባቱን ለማስረዳት ቢሞክሩም ተቀባይነት አላገኙም፡፡ተማሪዎቹ በውይይቱ የመንግስት ጣልቃ ገብነት እንዲቆምና ሕገ-መንግስታዊ ነፃነት እንዲከበር ጠይቀዋል፡፡
እነዚህ መሰረታዊ የሙስሊሙን ጥያቄዎች መንግስት በአወንታዊ መልኩ ተገንዝቦ አፋጣኝ ምላሽ እንደሚሰጣቸውም ገልፀዋል፡፡
ከነዚህም ሌላ ያለምንም ወንጀል የታሰሩ ሙስሊሞች እንዲፈቱ ከአካባቢያቸው የተሰደዱ የመስጂድ ኢማሞቸች ሰብአዊ መብታቸው ተጠብቆ ወደ መደበኛ ስራቸውን እንዲመለሱ በአቋም መግለጫቸው ጠይቀወል፡፡
የሀይማኖት እምነትና አመለካከት ነፃነትን በሚፃረር መልኩ መጅሊስና አህባሽ በብዙሀኑ ሙስሊም ላይ የፈጠረው ጫና ሕገ -መንግስቱን እንደሚፃረር አመልክተዋል፡፡
ይህ ሁኔታ በዚሁ ከቀጠለ በሐገሪቱ ላይ አለመረጋጋትን እንደሚያስከትል ያላቸውንአቋም ይፋ አድርገዋል፡፡
በመጨረሻም የተማሪዎቹ ጥያቄዎችና ማመልከቻዎች ከተቃውሞ ስምምነት ፊርማዎቻቸው ጋር በኢፌድሪ የሱዳን አምባሳደር ተሰጥቷል፡፡
በአምባሳደሩ በኩል ጥያቄው ለውጭ ጉዳይ፣ለፍትህ እና ለፌደራል ጉዳዮች ሚኒስቴር መስሪያ ቤቶች እንዲደርስላቸው አድርገዋል፡
በተጨማሪም በሱዳን ለሚገኘው የኢትዮጲያ ማህበረሰብ ማህበር ጽ/ቤት ለድምፃችን ይሰማ አለም አቀፍ የምክክር መድረክ እንዲደርስላቸው ማድረጋቸውን ከሱዳን ካርቱም የደረሰን ዘገባ አመልክቷል፡፡

 
Leave a comment

Posted by on April 6, 2013 in Uncategorized

 

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s

 
%d bloggers like this: